呢度係我決定要以我今次大腸癌嘅經驗，令到初初患癌嘅患者，或者對年輕患癌故事有興趣嘅人，尋到一個由我視角出發嘅故事。
大愛人係咁🤣就係主張生命影響生命同善意嘅循環。喺醫院治療期間，我收到好多多愛，來自屋企人、朋友、姑娘、醫牧⋯⋯但我仍然掉入咗抑鬱嘅深淵，有時我都會問：「如果有人經歷一樣嘅事情，而佢收到嘅愛無咁多，佢點撐？」
有一日，我同社工傾偈，講起我有打文嘅習慣，我又鐘意給予。突然之間，就喚醒我一種使命感。無論你係癌症好、抑鬱好、或者面對生死感到迷惘好，我希望透過我嘅文章，令你有一絲慰藉。攬攬
28-April-2028
Commentaires